ગુજરાત વિદ્યાસહાયક ભરતી ૨૦૨૬: ૧૧,૦૦૦ જગ્યાઓ

 ગુજરાત વિદ્યાસહાયક ભરતી ૨૦૨૬: ૧૧,૦૦૦ જગ્યાઓ માટે મોટી જાહેરાત :

​ગુજરાતના શિક્ષણ વિભાગ દ્વારા પ્રાથમિક શાળાઓમાં શિક્ષક બનવા માંગતા ઉમેદવારો માટે એક ખુબ જ મહત્વના સમાચાર આવ્યા છે. ગુજરાત રાજ્ય પ્રાથમિક શિક્ષણ પસંદગી સમિતિ દ્વારા ધોરણ ૧ થી ૫ (ગુજરાતી માધ્યમ) માટે વિદ્યાસહાયકોની ભરતીની સત્તાવાર જાહેરાત કરવામાં આવી છે.

​ભરતીની સામાન્ય માહિતી

• ​પદનું નામ: વિદ્યાસહાયક (વર્ગ-૩)
• ​વિભાગ: ધોરણ ૧ થી ૫ (પ્રાથમિક વિભાગ)
• ​માધ્યમ: ગુજરાતી
• ​જાહેરાત ક્રમાંક: ૦૧/૨૦૨૬
• ​કુલ અંદાજિત જગ્યાઓ: ૧૧,૦૦૦

​મહત્વની તારીખો

​ઉમેદવારોએ ઓનલાઈન અરજી કરવા માટે નીચે મુજબના સમયગાળાનું ધ્યાન રાખવાનું રહેશે:

• ​ઓનલાઈન અરજી શરૂ થવાની તારીખ: ૧૫/૦૪/૨૦૨૬ (સવારે ૧૨:૦૦ કલાકથી)
• ​ઓનલાઈન અરજી કરવાની છેલ્લી તારીખ: ૨૪/૦૪/૨૦૨૬ (બપોરે ૧૫:૦૦ કલાક સુધી)
• ​સ્વીકાર કેન્દ્ર પર અરજીપત્ર જમા કરાવવાની છેલ્લી તારીખ: ૨૪/૦૪/૨૦૨૬ (સાંજે ૧૭:૦૦ કલાક સુધી)

​લાયકાત અને અન્ય વિગતો

• ​TET-૧ પાસ ઉમેદવારો: આ ભરતી માટે TET-૧ પરીક્ષા પાસ હોવી અનિવાર્ય છે.
• ​D.El.Ed. ના વિદ્યાર્થીઓ: જે ઉમેદવારો હાલ D.El.Ed. ના છેલ્લા વર્ષમાં છે અને TET-૧ પાસ છે, તેઓ પણ અરજી કરી શકશે. તેમનું પરિણામ આવ્યા બાદ માર્કશીટ અપડેટ કરવાની તક આપવામાં આવશે.
• ​અનામત: દિવ્યાંગ ઉમેદવારો માટે નિયમ મુજબ ૪% જગ્યાઓ અનામત રાખવામાં આવી છે.
• ​જિલ્લાવાર જગ્યાઓ: હાલમાં કુલ જગ્યાઓ જાહેર કરાઈ છે. જિલ્લાવાર અને શાળાવાર ખાલી જગ્યાઓની વિગતો બદલી કેમ્પ પૂર્ણ થયા બાદ સત્તાવાર વેબસાઈટ પર મૂકવામાં આવશે.

​અરજી પ્રક્રિયા

​લાયકાત ધરાવતા ઉમેદવારોએ સત્તાવાર વેબસાઈટ https://dpegujarat.in પર જઈને નિયત સમયમર્યાદામાં ઓનલાઈન અરજી કરવાની રહેશે. વેબસાઈટ પર વયમર્યાદા, પગાર ધોરણ અને અન્ય સૂચનાઓ વિગતવાર વાંચી લેવી.

​સ્થળ: ગાંધીનગર

સૌજન્ય: ગુજરાત રાજ્ય પ્રાથમિક શિક્ષણ પસંદગી સમિતિ

​આ માહિતી વધુમાં વધુ ઉમેદવારો સુધી પહોંચાડો જેથી કોઈ તક ચૂકી ન જાય.