GPSSB ભરતી 2026: પંચાયત સેવાના વિવિધ વિભાગોમાં 2640 જગ્યાઓ માટે મોટી ભરતી
ગુજરાત પંચાયત સેવા પસંદગી મંડળ (GPSSB), ગાંધીનગર દ્વારા સ્વાસ્થ્ય વિભાગની વિવિધ કેડર માટે નવી ભરતીની જાહેરાત કરવામાં આવી છે. આ ભરતી દ્વારા લેબોરેટરી ટેકનીશિયન, MPHW, ફાર્માસિસ્ટ અને FHW ની ખાલી જગ્યાઓ ભરવામાં આવશે.
ભરતીની મહત્વની વિગતો
આ ભરતી માટેના ફોર્મ 29 એપ્રિલ 2026 થી ભરાવાના શરૂ થશે. ઉમેદવારો 20 મે 2026 સુધી ઓનલાઇન અરજી કરી શકશે. અરજી કરવા માટે ઓજસની સત્તાવાર વેબસાઇટ https://ojas.gujarat.gov.in નો ઉપયોગ કરવાનો રહેશે.
કઈ પોસ્ટ માટે કેટલી જગ્યાઓ છે?
- લેબોરેટરી ટેકનીશિયન (જાહેરાત ક્રમાંક 04/2025-26): આ કેડર માટે કુલ 108 જગ્યાઓ જાહેર કરવામાં આવી છે. જેમાં સામાન્ય વર્ગ માટે 40 અને અન્ય અનામત વર્ગો માટે નિયમ મુજબ જગ્યાઓ ફાળવેલ છે.
- મલ્ટી પર્પઝ હેલ્થ વર્કર - પુરૂષ (જાહેરાત ક્રમાંક 05/2025-26): કુલ 420 જગ્યાઓ પર ભરતી થશે. જેમાં સૌથી વધુ 150 જગ્યાઓ SEBC વર્ગ માટે રાખવામાં આવી છે.
- જુનિયર ફાર્માસિસ્ટ (જાહેરાત ક્રમાંક 07/2025-26): આ પોસ્ટ માટે કુલ 164 જગ્યાઓ છે. જેમાં સામાન્ય વર્ગના ઉમેદવારો માટે 78 જગ્યાઓ ફાળવવામાં આવી છે.
- ફીમેલ હેલ્થ વર્કર (જાહેરાત ક્રમાંક 08/2025-26): સૌથી વધુ 1948 જગ્યાઓ આ કેડર માટે છે. જેમાં સામાન્ય વર્ગ માટે 549 અને SEBC માટે 686 જગ્યાઓનો સમાવેશ થાય છે.
કેટેગરી મુજબ ટૂંકી વિગત
દરેક પોસ્ટમાં સામાન્ય (General), આર્થિક નબળા વર્ગો (EWS), સામાજિક અને શૈક્ષણિક પછાત વર્ગો (SEBC), અનુસૂચિત જાતિ (SC) અને અનુસૂચિત જનજાતિ (ST) માટે અલગ-અલગ બેઠકો અનામત રાખવામાં આવી છે. આ ઉપરાંત દિવ્યાંગ ઉમેદવારો અને માજી સૈનિકો માટે પણ સરકારના નિયમ મુજબ અનામત જગ્યાઓ રાખેલી છે.
અરજી કરવાની પ્રક્રિયા
ઉમેદવારોએ ઓનલાઇન અરજી કરીને પોતાનું ફોર્મ કન્ફર્મ કરવાનું રહેશે અને કન્ફર્મેશન નંબર મેળવી લેવાનો રહેશે. સામાન્ય વર્ગના ઉમેદવારોએ નિયત પરીક્ષા ફી SBI E-Pay ના માધ્યમથી 20 મે 2026 સુધીમાં ભરી દેવાની રહેશે.
ખાસ નોંધ
ભરતી અંગેની શૈક્ષણિક લાયકાત, વયમર્યાદા અને પરીક્ષાની પદ્ધતિ વિશેની વિગતવાર માહિતી મંડળની વેબસાઇટ https://gpssb.gujarat.gov.in પરથી મેળવી શકાશે. ઉમેદવારોને સલાહ આપવામાં આવે છે કે છેલ્લી તારીખની રાહ જોયા વગર વહેલી તકે અરજી પ્રક્રિયા પૂર્ણ કરવી.
